Қош келдіңіз талапкер

​​​​​​​​

 "Халықаралық туризм және меймандостық  университеті" КЕАҚ әскери кафедрасы 5 әскери-есептік мамандық бойынша дайындық  жүргізеді,   оның ішінде, запастағы офицерлер:

1. "Құрлық әскерлерінде тәрбие және идеологиялық  жұмыстарды ұйымдастыру". 

2. "Жалпыәскери тылдық қамтамасыз етуді  ұйымдастыру".

3. "Автомобиль техникасын пайдалану және  жөндеу".

4. "Азық-түлікпен қамтамасыз етуді ұйымдастыру".

            Оқу мерзімі 2 жыл.

   

            Запастағы сержанттар: 

1. "Атқыштық (бөлімше командирі)". 

          Оқу мерзімі 1 жыл.

    Әскери кафедра “Запастағы офицерлер мен  запастағы сержанттар бағдарламалары бойынша  әскери дайындық қағидаларын бекіту туралы”  Қазақстан Республикасы Қорғаныс министрінің 2017  жылғы 24 шілдедегі № 375 бұйрығына өзгерістер  енгізу туралы Қазақстан Республикасы Қорғаныс  министрінің м.а. 2023 жылғы 31 наурыздағы №265  бұйрығына сәйкес запастағы офицерлер мен  сержанттар бағдарламалары бойынша әскери  даярлау  жүргізеді.
   Азаматтарды запастағы офицерлер мен сержанттар  бағдарламалары бойынша әскери даярлау Қазақстан  Республикасының әскери оқытылған резервін  қалыптастыру, сондай-ақ Қазақстан Республикасы  Қарулы Күштері офицерлер мен сержанттар  құрамының бастапқы лауазымдарын қосымша  жасақтау мақсатында алатын жоғары кәсіптік білім  негізінде әскери-есептік мамандықтар бойынша  жүзеге асырылады. 

    Әскери даярлауға оқыту процесін ұйымдастыру  және басқару, әскери-патриоттық тәрбие беру, оқу  материалдық базамен қамтамасыз ету, кәсіби даярлау  кіреді. 
  Әскери даярлау қосымша оқыту түрі болып  табылады, теориялық және практикалық оқу  курстарынан тұрады.
    Запастағы Офицерлер бағдарламасы бойынша  әскери дайындыққа 588 академиялық сағат бөлінеді  (теория – 360 сағат, практика- 228 сағат). 
    Запастағы сержанттар бағдарламасы бойынша  әскери дайындыққа 294 академиялық сағат бөлінеді  (теория-180 сағат, практика-114 сағат).